Die basiese beginsels van die Christelike geloofVoorbeeld

"... die opstanding van die vlees ..."

“Want hierdie verganklike liggaam moet met onverganklikheid beklee word, en hierdie sterflike liggaam met onsterflikheid” (1 Korintiërs 15:53).

Die Christelike geloof gaan meestal oor geestelike dinge. Dit gaan oor ons verhouding met die ewige, geestelike God. Dit gaan daaroor dat ons siele deur Jesus skoon gewas word en dat ons gedagtes verander word. Die Christendom stem egter nie saam met sommige ander godsdienste of filosofieë dat die materiële en liggaamlike dinge minderwaardig en onbelangrik is nie, of selfs iets waarvan ons so gou moontlik ontslae moet raak nie. Inteendeel, God beskou ons liggame as waardevol en sal dit vernuwe.

Vandat sonde in God se goeie skepping ingekom het, is dit aan dood en ondergang onderwerp. Menslike liggame is nie perfek nie. Mense sukkel met allerhande siektes en gestremdhede; hulle staar fisieke beperkings in die gesig en hul liggame word mettertyd broos en verrimpeld. En uiteindelik sterf hulle en word stof. Maar dit is nie die einde nie. Die Bybel sê dat ons liggame soos sade is wat in die grond begrawe word om heerlik, onsterflik en vol krag opgewek te word wanneer Jesus terugkom. Net soos Jesus self uit die dood opgewek is en 'n hernude liggaam gekry het, so sal elkeen wat in Hom glo.

Kan jy jou indink hoe jou liggaam sal lyk wanneer dit wonderlik en heerlik is?