Die basiese beginsels van die Christelike geloofVoorbeeld

"Ek glo in die Heilige Gees ..."

“Julle, daarenteen, bly nie in julle sondige aard nie, maar in die Gees – as die Gees van God inderdaad in julle woon. As iemand nie die Gees van Christus het nie, behoort hy nie aan Hom nie” (Romeine 8:9).

Ons lees van God die Vader en God die Seun. Vandag bestudeer ons die laaste persoon van die drie-eenheid: die Heilige Gees. Die Bybel noem Hom ook die Gees van God of die Gees van Christus.

Die Heilige Gees is nie 'n onpersoonlike krag nie; Hy is net soveel God as wat die Vader en die Seun is. Toe Jesus aangekondig het dat Hy na sy Vader in die hemel sou terugkeer, het Hy belowe om die Heilige Gees as helper te stuur vir die tyd tot Jesus se wederkoms. Dit het met Pinkster gebeur, toe die Gees volledig uitgestort is.

Wat die Heilige Gees so spesiaal maak, is dat Hy baie nou betrokke is by mense se redding. Wanneer iemand tot geloof kom, ontvang hulle die gawe van die Heilige Gees. Hierdie Gees woon in hulle harte en transformeer hulle manier van dink. Hy maak hulle heilig, wat beteken dat hulle sondige gedagtes en gewoontes vervang word deur dit wat waar en rein en mooi is. Hy maak van hulle nuwe mense.

Die Heilige Gees bemagtig en stel gelowiges ook in staat om hul taak binne die kerk te vervul. Sommige mense ontvang die gawe om te onderrig, ander die gawe om te dien of te troos - alles vir die belang van ander.

Die Heilige Gees is dus God in ons.

Is jy gereed om God in jou hart te laat woon en beheer oor jou lewe te laat neem?