لشهر دجنبر؛ رحمات جديدة كل صباحعينة

راه العبادة الجماعية هي تدكير منتظم وكريم بلّي الحياة ماكتدورش عليك. راك تولدتي في حياة اللّي هي حتفال وفرحة بشخص أخر.

العبادة الجماعية هي حتفال خدّام كتدكير مهم بزّاف لينا كلنا. كنتجمعو باش نحتافلو ونفرحو بهاداك اللّي خلق، كيتحكّم، وكيكَلس في المركز ديال كلشي. كل اجتماع عبادة كتابي هو موجّه ومشكّل من خلال الكلام اللّي كاين في رومية 11: 33-36:

"شْحَالْ كْبِيرْ الْغِنَى وْالْحْكْمَة وْالْعِلْمْ دْيَالْ اللَّهْ!حْتَّى وَاحْدْ مَا يْقْدَرْ يْعْلَمْ عْلَى حْكَامُه وْيْفْهَمْ طْرْقَانُه!

«شْكُونْ اللِّي عْرَفْ الْأَفْكَارْ دْيَالْ الرَّبّْ؟ وْشْكُونْ اللِّي يْقْدَرْ يْنَصْحُه؟وْشْكُونْ اللِّي عْطَاهْ شِي حَاجَة فْاللّْوّْلْ بَاشْ يْرَدّْهَا لِيهْ؟».

عْلَاحْقَّاشْ مْنُّه وْبِيهْ وْلِيهْ كُلّْشِي.لِيهْ الْعَزّْ عْلَى الدّْوَامْ.آمِينْ."

الآية الأخيرة كتقول كلشي. هي ماشي غير وصفة طبية لكل الإجتماعات ديال العبادة، ولكن هي حتّى بيان قوي على شنو هي الحياة. الحياة ماكتدورش علينا. ماكتدورش على رغباتنا أولا حتياجاتنا أولا مشاعرنا. ماكتدورش على الراحة والسرور والسهولة. ماكتدورش على باش ناخدو شنو كنضنّو هو الحياة السعيدة. ماكتدورش على الشِّبع والرضا ديالنا. ماكتدورش على شحال من أحلامنا تحققّو. ماكتدورش على نجاحاتنا وإنجازاتنا. ماكتدورش على نجاحنا في تجنب الصعوبات والمعاناة. ماكتدورش على نجاح علاقاتنا.

ماشي غلط نبغيو السعادة الشخصية والسلام والصحّة والعلاقات السليمة. القضية هي أن هاد الأمور ماخاصش تحكم قلوبنا، حيت ملّي كيوقع هادشي، فراه كنكونو في المركز ديال عالمنا وكنخلّيوه يكون متعلّق بينا. محزن باش يعيش بزّاف ديال الناس، حتى المسيحيّين، بطريقة كتنسا الله وكتحط حاجة خرا في بلاصة الله. كنحطّو نفوسنا في المركز، وكنقررو بنفوسنا كيفاش بغينا الحياة تكون، وكنخلّيو الله يكون بحال شي شركة توصيل ديال قائمات أحلامنا الأنانية.

هادشي علاش راه العبادة الجماعية كتعرض علينا مرارًا وتكرارًا باش نتدكرو ونحتفلو. وكتعرض علينا باش نتدكرو بلّي كل حاجة موجودة، وحتّى حنا، من عند الله، موجودين من خلاله، وكنشيرو ليه. هو البدية ديال كل حاجة وهو المركز والنهاية ديال كل حاجة. إرادته سامية وغادة تتحقق. مملكته غادة تجي. النعمة كتسالي مع الربانية ديال نفوسنا وكتخلّينا نسجدو قدّام الرب الواحد الحقيقي. غير بالنعمة نقدرو نفرحو بالربانية اللّي ماشي ديال نفوسنا. العبادة الجماعية كتورّينا حتياجنا لديك النعمة.

من أجل دراسة وتشجيع كتر: رومية 11