Ариун амьдралЗагвар

МАХАН БИЕДЭЭ БОЛОМЖ БҮҮ ОЛГО!

Бидний махан бие үргэлж л ямар нэгэн боломж шалтаг гарах үеийг эрэн хайж байдаг. Хумсын чинээ жижиг боломжийг ч тэр алдахгүй. Ариун байдлыг мөшгөх үед биднийг төөрөгдүүлдэг нэг зүйл бол зарим буруу зүйлсийг өөртөө зөвшөөрч байлгасаар байх явдал юм. Зарим буруу зүйлс гэдэг нь илэрхий буруу, бохир завхай биш ч дам нөлөөлж байдаг зүйлс юм шүү.

Нэгэн итгэгч залуутай ярилцах үед тэр надад ингэж хэлсэн. “Би порно цахим хуудсаар дахиж орохоо больсон. Сүүлд үзсэн хамгийн муу зүйл гэвэл “Ширүүн охид” гэдэг зар сурталчилгааны бичлэг” гэсэн юм. Түүнд ахиц дэвшил гарч байгаа нь маш сайн. Гэхдээ зарим буруу зүйлсийг өөртөө зөвшөөрөх нь ямар амархан байдгийг та харж байна уу? Өмнө үздэг байсан зургуудаасаа хэдхэнийг нь аваад үлдэх үү?

Завхайрал нь яг л мөрийтэй тоглоом шиг. Одоогоор аюулгүй мэт байж байгаа ч нүд ирмэхийн даруйд л бүх зүйлс өөрчлөгдөж биднийг эзэмдэж байдаг. Тиймээс элч Паул Ефес хотынхонд хандан “аливаа садар самуунаас зайлсхийж амьдраарай” гэж уриалсан юм. Жижигхэн мэт асуудал ч том үр дагавар авчирч чадна. Тиймээс ямар буруу зүйлсийг өөртөө зөвшөөрсөөр байгаагаа илрүүлж өгөхийг, мөн түүнийг дахин зөвшөөрөхгүй байхад туслахыг Бурханаас гуйгаарай.