Mavhesi emuBhaibheri Ane Mukurumbira kubva kuna Los Hechos 2

Pakurirana nevamwe

Chitena, repaʉ Pedro jo'e i'kaasomʉ. —Mʉsanʉkona cu'ache cho'oche'te ũcuanʉko jo'kasõ Dios chʉ̃'ʉñe'te cho'ojʉ pa'ijʉ̃'ʉ. Cu'are jo'kasõ re'oja'che pa'ijʉ okoro'vecojñojʉ̃'ʉ, “Jesucristo'te cuasanaa'me chʉkʉna”, chiijʉ. Jã'aja'ñe cho'oru Dios mʉsanʉkonare cu'ache cho'osi'e tʉ'nesõkaija'mʉ. Tʉ'nesõ Ũcuaʉ Rekocho'te ĩsija'mʉ Repaʉ mʉsanʉkonare, ai ja'me paaʉ chini.

Repana Jesucristo'te cuasana ũcuanʉko si'arʉmʉ chi'ijʉ paniasome. Jesucristo'te ja'me ku'isinapi Dios chʉ'ore che'chojʉna chi'i che'chejʉ paniasome repana. Jainʉko chi'i ãu ãijʉ ũcuachi'a chi'i Diore sẽejʉ paniasome. Jã'aja'ñe cho'ojʉ ũcuanʉko sãiñechi'a pojojʉ paniasome repana.

Dios Rekochoji raiʉ ũcuanʉkore jã'aja'ñe cho'oasomʉ. Repanare Repaʉ Rekochoji rani ja'me pa'iʉ cho'okaiʉna repanajẽ'e che'chemanesi'ere tĩipãi chʉ'o i'kaasome repana ũcuanʉko.

Repavʉ'ere chi'i pa'ijʉna cʉnaʉmʉpi rʉa asoche tutacheja'che asoasomʉ. Repavʉ'e pa'ina ũcuanʉko asaasome. Asoʉna ñato repanare ũcuanʉkore sĩjo sẽ'sevʉã toñarʉãja'ñe ñoasomʉ. Dios Rekochoji raiʉ ũcuanʉkore jã'aja'ñe cho'oasomʉ. Repanare Repaʉ Rekochoji rani ja'me pa'iʉ cho'okaiʉna repanajẽ'e che'chemanesi'ere tĩipãi chʉ'o i'kaasome repana ũcuanʉko.

Dios vʉ'ena repaumucujña pa'iche chi'ijʉ paniasome repana. Ũcuachi'a repana vʉ'ñana chi'i pojojʉ ãu ãijʉ paniasome. Sãiñechi'a soni ãu ãujʉ pojorepache pojojʉ paniasome repana. Si'arʉmʉ chi'i, “Dios rʉa re'okʉ'mʉ”, chiijʉ paniasome repana. Chekʉna pãi tijñani re'oja'che cutuasome repanare. Repaʉ Jesucristoji cho'okaiʉna Dios chʉ'ore asa chẽa repaumucujña pa'iche na'a rʉa jainʉko cuasajʉ jovojʉ paniasome pãi Repaʉ'te Jesure.

Cheja si'api'rarʉmʉ pãi ũcuanʉkore Repaʉ Rekocho'te raoja'mʉ Dios. Raoʉna Ũcuarekochoji cho'okaiʉna mai chĩipi Repaʉ chʉ'ore chʉ'vajanaa'me. Cho'okaija'mʉ põsʉpãipi Dios ñoñe'te tochare ñaa'jʉ chini. Cho'okaija'mʉ ainapi ʉokãni ñaa'jʉ chini.

Repana Jesucristo'te cuasana sãiñechi'a pojojʉ si'arʉmʉ chi'ijʉ paniasome. Re'oja'chechi'a pa'ijʉ sãiñechi'a kuirajʉ paniasome repana. Chekʉnare põsena'me ãu karato chekʉnapi põse paanapi põsere ĩsiso, kuri koo, ĩsiasome repanare kuri peova'nare. Ũcuaja'che chejña paanapi chejñare ĩsiso, kuri koo, ĩsiasome chʉova'na pa'iva'nare. Na'a rʉa chʉova'na pa'iva'nare kuri na'a rʉa ĩsiasome repana.

Ũcuachi'a reparʉmʉ pãipi Maire Paakʉni sẽejʉ, “Chʉ'ʉre oijʉ̃'ʉ; mʉ'ʉre cuasakʉ'mʉ chʉ'ʉ”, chiito repanare Chẽa Paakʉ re'oja'che cho'okaija'mʉ, chiimʉ Joel tocha jo'kasi'e.

Ʉ̃sʉʉ miañe ʉ̃seja'mʉ. Ũcuaja'che pãimiaʉ chieja'che ñoja'mʉ. Repaʉ jo'e cajepi'rarʉmʉ jã'aja'ñe cho'oja'mʉ Maire Paakʉ. Reparʉmʉ Dios pãi ũcuanʉko pa'ijʉ cho'osi'e ro'iche chʉ̃'ʉja'mʉ.