Soma Biblia Kila Siku Julai 2023Mfano

Somohuweza kugawanyika katika sehemu tatu: Tangazo la kutoka utumwani Misri (m.1-3), maandalizi ya pigo la mwisho ambalo ni kifo cha mzaliwa wa kwanza wa Wamisri (m.4-8), na Farao kuendelea kushupaza moyo wake (m.9-10). Kupitia sehemu hizi Musa anawaandaa watu kuondoka. Mojawapo ya maandalizi ni kukusanya vitu vya thamani, yaanivyombo vya fedha, na vyombo vya dhahabu(m.2). Kwa njia hiyo unabii kwambakila mwanamke ataomba kwa jirani, na kwa huyo akaaye naye nyumbani, vyombo vya fedha, na vyombo vya dhahabu, na mavazi; nanyi mtawavika wana wenu na binti zenu(3:22) unatimia. Mungu anawapa Waisraeli fidia ya mateso yao. Tumwamini Mungu, maana anatengeneza njia hata ambapo tunafikiri hakuna njia.