Soma Biblia Kila Siku 07/2025Mfano

Jambo linaloonekana wazi katika somo la leo ni ahadi itokayo katika kinywa cha Mungu. Ahadi hii ni kwamba Mungu anainuka ili akupiganie. Amesimama mahali pako. Hakuna Mungu wa aina hii nje ya Ukristo. Imani ya Kikristo ndiyo pekee hapa duniani inayokiri juu ya kuwepo kwa Mungu anayesimama kumtetea mtu na kumkomboa. Kwa nini Mungu analeta ahadi hii ya furaha na amani kwako wewe, tena wakati huu katika maisha yako? Ni kwa sababu ameyaona maisha, mateso, mahitaji na maisha yako. Kristo Yesu anakuita:Njoni kwangu, ninyi nyote msumbukao na wenye kulemewa na mizigo, nami nitawapumzisha. Jitieni nira yangu, mjifunze kwangu; kwa kuwa mimi ni mpole na mnyenyekevu wa moyo; nanyi mtapata raha nafsini mwenu; kwa maana nira yangu ni laini, na mzigo wangu ni mwepesi (Mt 11:28-30).