Soma Biblia Kila Siku 07/2025Mfano

Kelele za misiba si kitu kigeni miongoni mwa watu wa leo. Hali hii iliwakumba watu wa Moabu walioishi nyakati za nabii Isaya. Kila mmoja, mtawala na raia, wenye nguvu na wanyonge, maskini kwa matajiri, wote walihuzunika. Kilio na mahangaiko yao vilitokana na uovu wao. Hawa ni kizazi kilichotokana na Lutu aliyezini na binti zake. Mwa 19:31-38 inasema kwambayule mkubwa akamwambia mdogo, Baba yetu ni mzee, wala hakuna mtu mume katika nchi atuingilie kama ilivyo desturi ya dunia yote. Haya, na tumnyweshe baba yetu mvinyo, tukalale naye, ili tumhifadhie baba yetu uzao. Wakamnywesha baba yao mvinyo usiku ule, akaondoka huyo mkubwa akalala naye, wala yeye hana habari alipolala wala alipoondoka. Ikawa siku ya pili, mkubwa akamwambia mdogo, Tazama, nimelala jana na baba yangu, tumnyweshe mvinyo tena usiku huu, ukaingie ukalale naye. Wakamnywesha tena baba yao mvinyo usiku ule, akaondoka mdogo akalala naye, wala yeye hana habari alipolala wala alipoondoka. Basi hao binti wote wawili wa Lutu wakapata mimba kwa baba yao. Yule mkubwa akazaa mwana, akamwita jina lake Moabu; huyo ndiye baba wa Wamoabi, hata leo. Na yule mdogo naye akazaa mwana akamwita jina lake Benami; huyo ndiye baba wa Waamoni hata leo. Uovu wao huu uliongezeka pale walipowatesa na kuwanyanyasa Waisraeli. Mungu aliahidi kuwaadhibu uovu wao. Je, unajifunza nini katika somo hili la leo?