விலையுயர்ந்த கிறிஸ்துமஸ் பரிசு - இயேசுவின் நாமம்!மாதிரி

ஆண்டவர் உன்னுடன் கூட இருக்கிறார் என்பதை நீ அறிந்துகொள்ள வேண்டும் என்று அவர் விரும்புகிறார்!

ஒரு குழந்தை இந்த உலகில் பிறக்கும்போது, அக்குழந்தை பெறும் முதல் விஷயங்களில் ஒன்று, அவனது/அவளது பெயர்தான். இந்தப் பெயர் பெரும்பாலும் ஒரு அர்த்தமுள்ளதாகவும் மற்றும் குழந்தையின் அடையாளத்தைக் குறிப்பதாகவும் இருக்கும். உதாரணமாக, எபிரேய மொழியில் காபிரியேல் என்ற பெயருக்கு "ஆண்டவர் என் பலம்" என்று அர்த்தம் என்பது உனக்குத் தெரியுமா?

ஆண்டவர் மெய்யாகவே நம்மோடு கூட இருக்கிறார் என்பதை நாம் அறிந்துகொள்ள வேண்டும் என்று அவர் விரும்பினார். அதனால்தான், "தேவன் நம்மோடிருக்கிறார்" என்ற அர்த்தமுள்ள, இம்மானுவேல் என்ற நாமத்தை இயேசுவுக்குக் கொடுத்து அவரது அடையாளத்தை உருவாக்கினார்.

வேதாகமம் கூறுகிறது, "அவன்: இதோ, ஒரு கன்னிகை கர்ப்பவதியாகி ஒரு குமாரனைப் பெறுவாள்; அவருக்கு இம்மானுவேல் என்று பேரிடுவார்கள் என்று சொன்னான். இம்மானுவேல் என்பதற்கு தேவன் நம்மோடிருக்கிறார் என்று அர்த்தமாம்." (மத்தேயு 1:23)

ஒவ்வொரு முறையும் இயேசுவைப் பற்றி, அதாவது இம்மானுவேலைப் பற்றி நினைக்கும்போது, தேவன் உன்னுடன் இருக்கிறார் என்பதை நீ நினைவில்கொள்ள வேண்டும் என்று பிதாவாகிய தேவன் விரும்புகிறார் என்பதை அறியும்போது, இது உனக்குள் எப்படிப்பட்ட உணர்வைத் தருகிறது?

ஆம், இம்மானுவேலராகிய தேவன் உன்னுடன் இருக்கிறார். இப்போதும் இருக்கிறார் எப்போதும் உன்னுடன் இருப்பார்! இயேசுவே, எங்களுடன் இருப்பதற்கு நன்றி.