Gewilde Bybelverse vanaf SPREUKE 11

Deel

Mense wat ’n ander iets gun, het self altyd oorvloed. Hulle wat ander se dors les, is self altyd verkwik.

Mense wat graag uitdeel, ontvang altyd meer. Daar is ander wat suinig is en hulle word arm.

Verwaandheid bring vernedering. Nederigheid bring wysheid.

Sonder goeie leiding stort ’n volk in duie; dit is veilig om baie raadgewers te hê.

Iemand wat reg optree, is soos ’n vrugbare boom. ’n Mens wat wys is, red ander se lewens.

’n Geskinder lap geheime uit; betroubare mense bewaar geheime.

’n Mens wat vrygewig is, baat self daarby. ’n Wrede mens vernietig homself.

Iemand wat staatmaak op rykdom, kom juis tot ’n val. Iemand wat reg doen, floreer soos groen blare aan ’n boom.

Rykdom gaan niks help op die dag van oordeel nie. Om reg te lewe sal jou red van die dood.

Die opregtheid van eerlike mense wys vir hulle die koers. Die valsheid van onbetroubare mense bring hulle ondergang.

’n Mooi vrou sonder gesonde oordeel is soos ’n goue ring in ’n vark se snoet.

Die HERE haat ’n skaal wat nie reg weeg nie. ’n Akkurate lesing dra sy goedkeuring weg.