Gewilde Bybelverse vanaf مزگینیا مەرقۆسی 13

Deel

و دێ ژ بەر ناڤێ من كەربێن هەمیان ژ هەوە ڤەبن، لێ یێ تا دویماهیێ خۆ راگریت، ئەو دێ قورتال بیت.

بنێڕن هەوە های ژ خۆ هەبیت، چنكو هوین نزانن ئەو دەم كەنگی دێ هێت.

دەمێ هەوە دبەن دا رادەست بكەن، بەری هنگی خەمێ نەخۆن كا دێ چ بێژن، لێ ل وی دەمی وێ بێژن یا بۆ هەوە دهێتە دان، چنكو نە هوینن ئەوێ دئاخڤیت، لێ گیانێ پیرۆزە.

ئەرد و ئەسمان دێ ژ ناڤ چن، لێ پەیڤێن من چ جاران ژ ناڤ ناچن.

لێ سەبارەت وێ رۆژێ یان وێ دەمژمێرێ، كەس نزانیت، نە فریشتەیێن ل ئەسمانی و نە ژی كوڕ، لێ ب تنێ باب دزانیت.

دەمێ هەوە گو‍‌ھ ل جەنگ و دەنگوباسێن جەنگان دبیت، نەڤەجنقن. دڤێت ئەڤ تشتە روی بدەن، لێ ئەڤە هێشتا نە دویماهیە.

ئەڤجا هشیار بمینن، چنكو هوین نزانن كەنگی دێ خودانێ مالێ ڤەگەڕیێت، ئێڤاری، یان نیڤا شەڤێ، یان ل گەل بانگێ دیكلی، یان ژی سپێدێ، نەوەكو ژ نشكەكێ ڤە بهێت و هەوە نڤستی ببینیت. ئەوا ئەز دبێژمە هەوە، ئەز بۆ هەمیان دبێژم: هشیار بن!»

چنكو دێ مللەتەك دژی مللەتەكی و پاشایەتیەك دژی پاشایەتیەكێ رابیت و دێ ل گەلەك جهان بیڤەلەرز روی دەن و دێ كولب پەیدا بن، لێ ئەڤە دەستپێكا ژانێن زاڕۆكبوونێنە.

بەری دویماهی بهێت، دڤێت مزگینی بۆ هەمی مللەتان بهێتە راگەهاندن.

گەلەك دێ ب ناڤێ من هێن و دێ بێژن: ‹ئەز ئەوم!› و دێ گەلەكان د سەردا بەن،

لێ هوین د هشیار بن. ئەو دێ هەوە رادەستی دادگەهان كەن و دێ ل كنیشتەیان هێنە قوتان و ژ بەر من ل بەرامبەر حوكمداران و پاشایان دێ هێنە راوەستاندن، دا هوین ل بەرامبەری وان شاهدەییێ بدەن.

چنكو دێ مەسیحێن درەوین و پێغەمبەرێن درەوین دیار بن و دێ نیشانان دیار كەن و مەندەهۆشیان كەن، داكو، ئەگەر د شیان دا با، هەلبژارتیێن خودێ ژی د سەر دا ببەن.

د وان رۆژان دا، پشتی وێ تەنگاڤیێ، ‹رۆژ دێ هێتە تاری كرن و هەیڤ رۆناهیا خۆ نادەت، ستێر دێ ژ ئەسمانی رژیێن و هێزێن ل ئەسمانان دێ هێنە تێكهەژاندن.›