Gewilde Bybelverse vanaf Mateo 5

Deel

Nabarina ai botokana, nabarina wahi ai barikiterani. Nabarina ai kanawaarikosa, nabarina wahi ihi yama ai awateni. Yama wahi‑nima dai ene nahi. Dai ene amosa, dai ene‑ya mai awiya, dai‑ka Abi neme‑ke‑ya mai kahiyarawahaboneni.” Yeso ati nemarine.

Bofe‑ka mai‑ka yama wahi‑nima na dai tohateni. Dai ene‑ya mai awiya, Deoso ati‑ya mai nofawahaboneni. Adami tati‑ya ai tabaro ita, ai tabaro‑ya mai nafi awateni.

Deoso ati dai nokotoniyahi. Yama bara dai nokotoniriya, Deoso dai‑ya kasomebona, Deoso‑ya dai awawahaboneni.

‘Owatibodi amosawamaboneni.’ Dai atibodi ati na, Deoso dai‑ya kasomebona, dai atibodi‑ya namosi nafibonane.

Owati dai mitahi. Dai‑ya mai nofara mai dai nofiyahi. Dai‑ya mai bisina mai tamine dai hiyarahi, Deoso mai‑ya kasomebonaha.

“‘Towe ama·oni.’ Dai ati niya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Mai ibi weena mai dai kasomahi, mai yawi fawanabonehe. Haa‑nima dai ene niya, Deoso dai‑ya kasomebona, Deoso bidi dai tohawahaboneni.

Dai o‑ohi Deoso dai‑ya kasomebona, dai ya‑yainibisaboneni.

Deoso ati‑ya dai nofa, Deoso‑ya mai nofara dai‑ya mai bisiniya, Deoso dai‑ya kasomebona, Neme‑ke ai nafi‑ka hidi kitabote tohawahe‑ya dai sawiwahaboneni.

Dai one ene amosara, dai ati hamara, Deoso dai‑ya kasomebona, dai ene kote towe toha, manakone‑ya Deoso haarebonane.

Owati‑ya dai nofa dai‑ya mai nofaraboneni. Dai‑ya mai wee, dai‑ya mai bisi, dai tamine‑ya keyehe‑ya mai hiri, mai naboneni. Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

‘Yama owato nafira, Deoso‑ta yama nafi‑ya watotene.’ Dai atibodi ati na, Deoso dai‑ya kasomebona, wami nafi‑ya dai kayafaboneni.

“Bofe‑ka mai‑ka sao dai tohateni. Sao ihi ai tefe kabi amosateni. Dai ene amosahi. Deoso ati‑ya mai nofara mai ihi‑nima dai ene riyahi. Dai ene amosa dai maakariyahi. Faha ihi sao abiya, amosawamaterani. Sao towe ai weretowititeni.

Tiwa ene amosa hinama tohahi. Ai‑ka Abi neme‑ke ene amose hinama tohatene. Ai‑ka Abi ene‑nima dai ene nahi.” Yeso ati nemarine.

Dai ati amosa hinama tohahi. Keyehe‑ya dai hiririyahi. Satanasi ati ene keyehe‑ya dai hiriteni. Satanasi ati‑nima dai ati riyahi.” Yeso ati nemarine.

“Hibati‑ka mai ati dai mita, ‘Tiwa noko‑ya bositokanihi, noko bositikanihariho. Tiwa ino‑ya bakatonihi, ino bakatinihariho.’ Mai ati nametemoneni. Owati dai mitamatasahi. Dai ati somahi. Dai ebete‑ya batanariya, dai ebete beheri dai benawamakihi, batahirimakebonehe.

Tiwa nokobodi sayo‑ka ene yama towe nokotinihe, tiwa noko sayo‑ka sobatinakihi. Tiwa noko abahi, yama hirini‑kaya tisawirabonehe. Tiwa noko ohari‑ya Deoso tabaro‑ya tiwinabisiya, yama amosabisaboneni. Tiwa yehe sayo‑ka ene yama towe nokotinihe, tiwa yehe sayo‑ka wisitinakosahi. Tiwa yehe abahi, yama hirini‑kaya tisawirabonehe. Tiwa yehe ohari‑ya Deoso tabaro‑ya tiwinabisiya, yama amosabisaboneni.