Gewilde Bybelverse vanaf Matteus 5

Deel

Mens steek ook nie 'n lamp op en sit dit onder 'n maatemmer nie, maar op 'n lampstaander, en so gee dit lig vir almal in die huis. “Laat julle lig só voor die mense skyn, sodat hulle julle goeie werke kan sien en julle Vader wat in die hemele is, kan verheerlik.”

“Julle is die lig vir die wêreld. 'n Stad wat op 'n berg lê, kan nie weggesteek word nie.

Gelukkig is dié wat suiwer van hart is, want hulle sal God sien.

Gelukkig is dié wat honger en dors na •geregtigheid, want hulle sal versadig word.

Maar Ek sê vir julle: Julle moet julle vyande liefhê en bid vir hulle wat julle vervolg

“Gelukkig is die armes van gees, want aan hulle behoort die •koninkryk van die hemele.

Gelukkig is die vredemakers, want hulle sal kinders van God genoem word.

Gelukkig is dié wat treur, want hulle sal vertroos word.

Gelukkig is dié wat vervolg word ter wille van geregtigheid, want aan hulle behoort die koninkryk van die hemele.

Gelukkig is die barmhartiges, want hulle sal barmhartigheid ontvang.

Gelukkig is julle wanneer die mense julle om My ontwil beledig en vervolg en vals beskuldig van alles wat sleg is. Wees bly en jubel, omdat julle beloning groot is in die hemele. Hulle het immers die profete vóór julle net so vervolg.”

Gelukkig is die sagmoediges, want hulle sal die aarde erf.

“Julle is die sout vir die aarde, maar as die sout sy smaak verloor het, waarmee sal dit weer sout gemaak word? Dit deug vir niks meer nie, behalwe om buite gegooi te word sodat dit deur die mense vertrap kan word.

“Wees dus volmaak soos julle hemelse Vader volmaak is.”

Laat die woord ‘ja’ by julle werklik ‘ja’ wees, en julle ‘nee’ ‘nee’. Meer as dit is uit die bose.

“Julle het gehoor dat daar gesê is, ‘'n oog vir 'n oog en 'n tand vir 'n tand’. Maar Ek sê vir julle dat julle nie 'n slegte mens moet teengaan nie. Nee, as iemand jou op jou regterwang klap, draai ook die ander een vir hom.

“As jou regteroog jou laat struikel, ruk dit uit en gooi dit van jou af weg. Want dit is voordeliger vir jou dat net een van jou ledemate verlore gaan as dat jou hele liggaam in Gehenna gegooi word. En as jou regterhand jou laat struikel, kap dit af en gooi dit van jou weg. Want dit is voordeliger vir jou dat net een van jou ledemate verlore gaan as dat jou hele liggaam in Gehenna beland.