Gewilde Bybelverse vanaf Matiu 5

Deel

Iyayapan dun oketpe me kabum ankwatave den baraupe. Mu dun yokeiviwa egave yudatpe. Meve me iyayapan undag eyawa mumpe gwe danave. Ebu desirom gumbe, dun yeuma iyayapan namuwo esipe. Meve mu ye anoano yeuma oraiwa yaupe. Mamewa kwiminau wakenewa me watdega wampe.

Ye piyu eyawa. At toimu me tui kuiyave wakenewa me oma den ane tobotpe.

Nonowa esine igiyawa, mu gumbo waribiya wakeigimpe, kuiyawa mu God yaupe.

Oraivitwa oya iyagon ge meyowa toyaivi igiyawa, mu gumbo waribiya wakeigimpe, kuiyawa mu gumbo matai noidauwape.

Megara ne diruitna. Anavi yeuma baigan muniya, sira nun yeuma waya bira da edawai guniyap apewa.

“Guwowa danave pukpuk wagawag igiyawa, mu gumbo waribiya wakeigimpe, kuiyawa kwimin toimuwawa me mumawa.

Yum tueme igiyawa, mu gumbo waribiya wakeigimpe, kuiyawa munan wape God usitainawa.

Danadawai aueme igiyawa, mu gumbo waribiya wakeigimpe, kuiyawa watmemeyam munigimpe.

Oraivitwa oya edawai aueme igiyawa, mu gumbo waribiya wakeigimpe, kuiyawa kwimin toimuwawa me mumawa.

Ano nunigimtanwa igiyawa, mu gumbo waribiya wakeigimpe, kuiyawa mu gaibu ano nunigimpe.

Nenan oya Iyayapan ye anokukam yempewa, edawai yempewa, sira uga gumbe dividivi gae kukaeba yempewa, ye guniyap waribiya wakeigimpe! Me kumive degadega ag tare wariya, kuiyawa kwimin danave garawa yeuma me kokavit: ebu desiroma gumbe mu propeta mu ye namuyap uwayawa meib edawai muniya.

Memeyu igiyawa, mu gumbo waribiya wakeigimpe, kuiyawa piyu kwan meumawa me mumawa.

Ye piyu siuraneba. Megara siuran demtawa me onanape ipewa, me aninin oma ape sira demta wape? Me dividivi gumbe oraimina onan, sira me aug piyu egave aorepe iyayapan amowo embaba tampe.

Meoya oraivitwa aigimiya, kuiyawa Mamewa kwiminauwa me oraivitwa.

Maib ye waya, Natawa, me Natawa, sira Onan me Onan, gae da imugap sira wawa me kukaeba.

Ye anoyana me wane, Yangawa oya me yangawa, donawa oya me donawa. Megara ne diruitna, ano kukaeba abnawa den toa. Bira da ge kwauyegwa gambenwa yutan apa topewa, me sira menan biroriya gambenwa da tope.

Ge yangagwa yutan ge gungap ano kukaeba apewa, me watukiyak epa aoreya. Kuiyawa ge kwapugwa da desirom waropiyawa me oraiwa, ge kwapugwa undag at kukaeba geena danave aorepetan. Sira nanigwa yutan ge gungap kukaeba apewa, kwagomiyag epa aoreya. Kuiyawa ge kwapugwa da desirom waropiyawa me oraiwa, ge kwapugwa undag at kukaeba geena danave aikpetan.