Gewilde Bybelverse vanaf Marcos 13

Deel

Roo rini hii odi iim tustus, deslaa iim fiar ma Au. Mahee seen fee fiar manhati ma Au raat maet, Nai Maromak hii salva ura.”

Des manura, iim neo mori mata mori! Deslaa iim ba taad leolbaan saba fee Au suli maa.

Baleob mliuk! Se room huut o i oid laa tribunal, iim balikan matau. Balikan matau enlaa sabiid fee iim naha kase. Nii leolbaan kidura, iim hii kase lea sabiid fee Nai Maromak ni Espiritu Santu tafaar la iim, deslaa ba loos iim fee kase, mahee Nai Maromak ni Espiritu Santu fee kase.

Fedu lalehan nor rae uri hii remata, mahee Au Teor-hua hii nei manhati.”

Jesus kase des loi dega: “Ba nei artuub iid fee taad leolbaan nor oras Au naha suli maa. Nai Maromak ni anju room her lalehan ba taad. Au rasik meit ba taad. Au Ama mesa lea fee taad.

Se iim fei roo fun huun, ka iim fliik teor turi dega roo fun huun nii hati-hati, iim baleob matau. Deslaa naam seirgaa hii taadu mun didi, mahee idura ba loos atuud mundu uri naha remata soub.

Manura meit iim tenki neo mori mata mori, deslaa iim ba taad arfiil fee uum ubu suli, suli leol mou ka, hoda-roo ka, belebuus kokaar ka, rae fuu buti, iim ba taad. Be fun laa molok hleeh ura suli maa iim boe bael. Naam bae fee Au tafaar la iim too, Au tafaar meit la roo hailagaa, ‘Iim neo mori mata mori manhati, oid gnaan Au maa.’ ” [Raat nii uri, Nai Jesus meit para ni kase nor ni eskolanti room nii raelau Oliveira.]

Nasaun hii fun huun asour nasaun. Reun hii fun huun asour reun. Rae hii dalai nii hati-hati. I rae hii beil tuu! Naam seirgaa man sinal, man hiin iid ni troa sae, fedeis naha mdei aef.

I iim meit laa nee sai muun Au Novidade Kode la suku hailagaa nii mundu kiduri.

Deslaa roo rini hii maa oid Au gala dega, ‘Au fee Kristu, iid bae Nai Maromak promete fes muna soub.’ Room hii hlaet roo rini.

Iim manhati neo mori tus-tus! Deslaa roo hii maa fael iim, oid laa nii tribunal relijiaun ni. Roo hii dae iim nii uum kreda lala, i hii huut iim oid laa nii nai ulu room, deslaa iim toom Au. Mahee iim manhati nee sai Au Novidade Kode la room.

Deslaa roo hii maa atuud lolo dega, ‘Au fee Kristu!’ Selu loi dega, ‘Au uri, Nai Maromak ni gugu nor lama.’ Room hii fun milagre aeh-aeh oid hlaet roo duu-sae. Room meit hii hlaet nor fun mou Maromak ni artuub room.

I Jesus nee sai loi la ni eskolanti room dega, “Arfiil leolbaan terus seirgaa meit soub, Leolmata hii kokar, hulai meit ba nee aer des. Hiut room mou ois leol-lau, i forsa hailagaa nii leol-lau hii dalai arbiru.’