Gewilde Bybelverse vanaf Markus 13

Deel

Gabe farumi smatna osta riri le mew ningalena fderera Ya. Ga smat ta ndela Ya turusca denabe nmat, Jou Lahatalla bo nfasalamat i.”

Gabe mewe nane fpei famafia fare fjagjaga! Ningalena, mew ftopa opfis tina bo ndadi ina.

Gabe laisa en ta dute mewe bo dadili mew, mati famcaitna ahai ta bo funa. Mewe fu beto ahai ta Jou ni Rohca ncula funa.

Langit fare bumi tae bo namnyei, ga Ya nik mautingna osta en turus denabe lali.”

Gabe Yesuse nua ni muritna hawe, “Isa ntopa opfis Jou Lahatalla ntuca nlafo hawena. Malaikat ta mali soroga ina rtopa, Jou Lahata ntu cama ntopa, ga Jou Lahatalla be ta ntona.

Gabe laisa mew flonga parang mali batangna, penepa mali gagaw nesana, mewe mati famcaitna. Farumi tina nane ndadi i, ga tina ni oras paube dunia tae bo nkiamatna.

I nane njagjaga to, ningalena i ntopa ebai ppuca opfise bo nlafona. Faramanega i nlafona malingine lae, doram wop fapaluane lae potamdoma penepa dororam isube. Laina bena re mew. Mewe nane fjagjaga turus. Matina denabe Ya ilafo ga ikeme mew fsiap pa. Ahai ta Ya ifatnawe mewna, Ya ifatnawe bena mali farumi smat: fjagjaga to!”

Ga lomanta suku re suku osta rfaparang, kerajaan fare kerajaan ta nesa osta rfaparang. Fare osta en fawe sui manca-manca, fare en hawe smatna rmata an. Ga farumi tina taga mulain kangela kiamatca nlafo paube, tina laisa kangela ta mapingna rbasam orase nturina ntub.

Ningalena farumi suku bangsana nane rlonga su Abar Mafia cia, taga kiamat.

Ningalena smatna lal osta rlafo rpake Ya ngahnyokna, fare si du laitane, ‘Ya tane to, Kolano ta Jou Lahatalla njaji bo nfasalamate smatna!’ Ga si tina dakale smatna lale to bo rderera si.

Gabe mewe nane fpei famafia! Ningalena mew fdela Ya, smatna bo rpo mew bo dadili mew mali agama Yahudina riri ta rfabobokona. Mew bena bo fduk punpun mali ebai sombayang agama Yahudina. Si rfabo mew lali gubernurca fare kolanona. Fare si bo rfautno mew. Mana mew nimew orase bo fabinga Ya lali sili.

Ga lomanta en smatna lal rlafo du si Mesias, penepa du si nabi ta jaga rfalafo Jou Lahatalla ni fatnaw lali smatna. Fare si bena rpei mujizat fare fafayal ta nfafcule si riri kawasa bo smatna rdela si bo si mati rdela Jou Lahatallana to. Gabe laina, si le ma bo rpei smat ta Jou Lahatalla nfisang si tona rdele ncal laling.

Yesuse nu hawe, “Oras wol kangelaca bo morco, wolca fare ngaca plangno panto hawe. Ototafna osta marapawil mali langitca, gabe farumi ta en mali langitcana ndadi rurang.