Gewilde Bybelverse vanaf Psalms 139

Deel

Ek wil U prys omdat U my so volmaak geskep het. U doen wonderlike werk. Ek weet dat U groot dinge kan doen.

God, kyk of U my kan vertrou. Toets my gesindheid. Kyk of ek eerlik is. Help my op die regte pad. Hou my weg van al die verkeerde dinge.

Here, U het my tot in die fynste detail gemaak. In die baarmoeder het U my gevorm.

Nog voordat ek mens geword het, het U my al beplan. U het my lewe toe al in u hand gehou. En U het besluit wat met my sou gebeur.

Here, U kyk of ek eerlik is en vertrou kan word. U weet wat gaan hier binne-in my aan.

U is oral. Daar is nie ’n plek waar ek heen kan gaan waar U nie is nie.

Ek kan niks wat ek doen, vir U wegsteek nie. Nog voordat ek iets doen, weet U wat dit gaan wees.

Al het ek nog nie eens begin praat nie, U weet wat ek gaan sê. U ken my deur en deur.

Of ek by die huis bly en of ek rondloop, daar is niks wat ek vir U kan wegsteek nie. U weet alles wat ek doen.