Ewige VerbondVoorbeeld

Lees: Matteus 26:26-30; Hebreërs 9:15

SOAP: Hebreërs 9:15

Daarom is Hy ook die Middelaar van 'n nuwe verbond. Sy dood het plaasgevind om mense te verlos van die oortredinge wat onder die eerste verbond begaan is, sodat dié wat geroep is, die beloofde ewige erfenis kan ontvang.

Oordenking

Met Jesus se koms het die nuwe verbond aangebreek. Hierdie verbond was nie meer deur werke en offerandes gekenmerk nie maar deur geloof in die werk van Jesus. God het van die begin af geweet dat mense nie in staat sou wees om die ou verbond te onderhou nie, en daarom het Hy Jesus gestuur. 

Wat so wonderlik is omtrent die nuwe verbond, is dat Jesus alles gedoen het. Hy het die wet volmaak onderhou en sy geregtigheid word aan ons toegeskryf. Hy het die boete betaal vir al die wette wat ons verbreek het. Hy het die toorn en oordeel van God namens ons verduur. Hy het uit die graf opgestaan sodat ons die krag het om teen sonde te stry en nie daardeur baasgeraak te word nie. Jesus het deur sy lewe, dood en opstanding alles voorsien wat ons nodig het vir ‘n godvrugtige lewe. Ons doen niks. 

Dit is heerlike genade! Dit is oorvloedige liefde. Dit is volkome barmhartigheid.

Gebed

Here ons is ‘n verwondering oor hoeveel U bereid was om te doen om ‘n gevalle mensdom met Uself te versoen. U is alles wat deur en deur goed en barmhartig is. Herinner ons elke dag watter geskenk ons verlossing is. Help ons om lewens van lofprysing te lei.