Wat Om Vir Jou Kinders Te BidVoorbeeld

Wat om vir jou kinders te bid

Riglyne en Skrifgedeeltes (1)

Bid vir hulle redding: “Daarom verdra ek alles ter wille van die uitverkorenes sodat ook hulle die verlossing, wat daar in Christus Jesus is, en die ewige heerlikheid kan ontvang” (2 Timoteus 2:10). “So is dit ook nie die wil van julle Vader in die hemel dat een van hierdie kleintjies verlore moet gaan nie” (Matteus 18:14).

Bid dat hulle sal groei en toeneem in liefde: “Lewe in liefde, soos Christus ons ook liefgehad en om ons ontwil sy lewe as ’n offergawe gegee het, ja, ’n offer wat vir God aanneemlik was” (Efesiërs 5:2).

Bid dat eerlikheid, integriteit en getrouheid deel van hulle waardestelsel sal wees: “Laat onskuld en opregtheid oor my die wag hou, want op U vertrou ek” (Psalm 25:21).

Bid dat God se Gees van krag en liefde en selfbeheersing hulle sal vul en dat hulle vry sal wees van vrees: “Laat ons dan nie slaap soos die ander nie, maar laat ons wakker bly en nugter wees” (1 Tessalonisense 5:6). “Waar liefde is, is daar geen vrees nie, maar volmaakte liefde verdryf vrees, want vrees verwag straf, en wie nog vrees, het nie volmaakte liefde nie” (1 Johannes 4:18).