FCA Зоримог, Гайхалтай Библийн ЦагЗагвар

Амжилт 

Аварга шалгаруулах тэмцээнүүд. Цол хэргэмүүд. Дээд амжилтууд. Хувийн Нэр Төр. Улирлын дараах тоглолтын шагналууд. Медалиуд. Бүгдээрээ амжилттай тэнцүү…Тийм үү?  Хүснэгтэн дээрх ямар нэгэн бодит тоон үзүүлэлтийг харахгүй л бол амжилт биш. 

Хэрэв энэ нь үнэн биш бол яах вэ? Амжилт нь үнэн хэрэгтээ огт өөр ямар нэгэн зүйлээр тодорхойлогдсон бол яах вэ?

Статистик /тоон үзүүлэлт/ нь  жинхэнэ, бодит, бүр таны төсөөлснөөс ч гүн гүнзгий Бурханы бүтээсэн тэр зүйлд ч хүрдэггүй. 

Есүсийн амьдралын талаар бод. Өнөөгийн дэлхийн стандартаар Тэр бол хамгийн бүтэлгүй нэгэн. Тэрээр орон гэргүй байсан. Тэр буруутнуудаар хүрээлэгдсэн байсан. Тэр дээд зиндааныханд гологдсон. Тэр шоолуулж, гутаагдаж бас гэмт хэрэгтнүүдтэй хамтдаа цовдлогдсон. Ийм амжилт гэж байх уу ? Түүний эргэн тойронд байгсад ийм байж болно гэж бодоогүй. Тэр бол үхлийг ялж, хүний хийсэн гэм нүглийн үнийг төлсөн БҮХ ЦАГ ҮЕИЙН ТУРШИД ялан дийлсэн хамгийн шилдэг ялагч нэгэн байсныг нь ойлгож ухаараагүй юм. Тэд үүнийг мэдсэн ч гэсэн энэ бол амжилт гэж тэдэнд харагдаагүй юм. Энэ нь хамаагүй гүн гүнзгий ба илүү бодитой байжээ. 

Христийн дагалдагчдын хувьд эргэн тойрныхоо юмсыг өөр маягаар харж ойлгохыг бидэнд зөвшөөрчээ. Учир нь амьдралыг бид үүрд мөнхөд гэж үздэг. Бидний харж чадахгүй зүйлсүүд ажилласаар байдаг ба бүх зүйлд зориулсан төлөвлөгөө Бурханд байдаг гэдгийг бид мэднэ. Мөнхийн төлөвлөгөө нь үүний нэг хэсэг бөгөөд харагдах зүйлсийг ялснаар биш, харин Бурханд дуулгавартай, шударга байснаар жинхэнэ амжилт гэж юу болохыг мэддэг.  

Ялагдлыг туулах үедээ, Бурханы Хаанчлалын төлөө ба Бурханы охин болох таны төлөө тодорхой, бүрэн төгс ялалтууд байгаа ба бүх зүйл ялагдсан юм биш гэдгийг ойлгох үүрэг хариуцлага бидэнд бий. 

Та тоглолтын талбайд хожигдсоныхоо дараа нигүүлсэнгүй байж, хэдийгээр хүч тэнцүү өрсөлдөгчдөдөө хайхрамжгүй, мөрөөрөө хүрмээр байсан ч гэсэн, тэднийг гайхалтай сайн тоглолоо гэж магтаж байсан.  Мөн, та тоглолтын явцад бэртэл авчихаад мөрөөдөж байсан тэмцээнээ орхих хэрэгтэй болсон ч гэсэн өөрийн багийнхнаа үргэлжлүүлэн хөгжөөн дэмжиж тайвшрал авахаар Бурхан руу хэрхэн тэмүүлж байсан. Бас , дасгалжуулагчдаа зэмлүүлсэн ч , түүнээс ямар ч сайхан үг сонсохгүй гэдгээ мэдсээр байж үргэлжлүүлэн шаргуу ажилласан зэргээ дурсан санаарай. 

Энэ бол ЖИНХЭНЭ амжилт юм. Юу ч байсан энэ нь Бурханы нүдэнд жижиг биш тул жинхэнээр нь хийх чухал. Хамгийн чухал нь та Түүнийг хүндлэн сэтгэл зүрхээрээ хийх явдал юм. 1 Самуел 16:7-г санаарай. “Эзэн чиний харж байгаа шиг хардаггүй. Хүмүүс гаднах төрхийг хардаг бол Эзэн зүрхийг нь хардаг.”

Асуулт:

1. Галат 5:22-23-т, биднийг хүчирхэгжүүлэгч Ариун Сүнсний зан чанаруудыг хэрхэн дүрсэлсэнийг уншаарай. Тэмцээний үеэр биднийг амжилттай оролцоход эдгээр Ариун Сүнсний үр жимснүүд хэрхэн туслах вэ? Тус бүрд нь жишээ гаргана уу.

2. Дараагийн удаа тоглолтын хэсэг, талбай, зам дээр ялагдах төлөвтэй болвол бусдад Христийг хэрхэн харуулах вэ? Харин хамгийн чухал нь энэхүү үйл явц дунд Түүнд та хэрхэн илүү ойртох вэ?