Mavhesi emuBhaibheri Ane Mukurumbira kubva kuna Jn 14

Pakurirana nevamwe

“Mə sàŋ əbɔrəbɔd ɨ nən. Mə bə̀ nàʼ mɨ əbɔrəbɔd ɨ nən. Chəi mə naʼ ɨchî nɨ ɨsɨg ə nàʼə̀. Tɨ tə fîŋ tɔb i əwən. Tɨ mbə̀ bɔ ə.

Yeso nyaʼa wììrɨ̀ ɨ bɔ ni, “Mɔ̌ yɨə ɨnə̂njɨ̀ fɔrɨ rəsìʼ bə̀ fɔrɨ ɨ̀tènɨ̀. Chəi wə̀d mɔʼɔ nɨ tɨ̀ wɨ̀ wò əsɨ mɨ Mbǎʼ kɨrɨ ənɨ wɨ̀ che ənɨ mɨ njìm.

Yeso nyaʼa ghà əmbɨ mbi mə̀mə̀ə̀nɨ̀-ɨnû ni, “Tɨ tə fîŋ tɔb i əwən. Mbə̀ ben ə Ŋwiə̀ bə̀ ben əmɨ.

Mbǎʼ bɨrɨ cha Ə̀wèèrɨ̀-bə̂d we ənɨ mɨ ɨkum. Məd yɨ Əzwî ə Zeŋɨ ze nɨ bɨrɨ chwi ɨnû jìm ɨ nən bə̀ ghɨ̀ ni mbə̀ kɔndɨ ɨnû jìm mbe nɨ mə̀ fə gha ɨ nən.

“Wə̀d we nɨ ghaʼ əmɨ yɨ we nɨə zuə tum rɨkə bə̀ nùŋə̀. Mɨ Mbǎʼ bɨrɨ ghaʼ wə̀d we nɨə ghaʼə əmɨ, mə bɨrɨ bɨ ghaʼ əməd bə̀ chwi mɨ ɨnyod ɨ bɔ.”

Mbə mɨ ghɨ̀ əne, mə bɨrɨ biirɨ əmbɨ Mbǎʼ, əne wɨ̀ bɨrɨ naʼ Ə̀wèèrɨ̀-bə̂d cherə ɨ nən nɨ bɨrɨ chubɨ mbɨ nən koŋ. Məd yɨ Əzwî ə Zeŋɨ ze nɨ bɨrɨ ghɨ ni bə̂d kyerɨ rəsìʼ. Chəi ənɨ tɨ ɨsɨg nɨŋ əməd ɨmbə̀ʼ ɨghəm nɨ chəi ənɨ tɨ̀ wɨ̀ zə əməd kɨ̀ bè kyerɨ əməd. Mbə bɨrɨ kyerɨ əməd, ɨmbə̀ʼ ɨghəm nɨ məd wɨ i mbɨ nən, bə̀ kyerɨ ni məd wɨ i ɨŋga nən.

Mə bɨrɨ ghɨ ənû ə mɔʼɔ ze nɨ mbə̀ biirɨ ənɨ mɨ ɨkum, ɨmbə̀ʼ ə bə̂d wumnɨ ə Mbǎʼ ənjìm ə Wan. Mbə mɨ biirɨ ənû ə mɔʼɔ ənɨ mɨ ɨkum, mə bɨrɨ ghɨ ənû ze.”

Yeso nyaʼa bə̀ yi ghà əmbɨ mbi mə̀mə̀ə̀nɨ̀-ɨnû ni, “Mbə mɨ ghaʼ əmɨ, mbə bɨrɨ nuŋ tum rɨkə.

Ɨtu nəb nɔnɔʼ mbɨ ɨŋga nəb mɨ Mbǎʼ. À mɨ yeʼ ni kaʼ à yɨə kə̀ʼ i əne, njɨ mə wa ghà ɨ nən ni mə wɨə wo tekɨ əsɨ ɨ nən ə?

Ənɨ mə̀ wo tekɨ əsɨ ɨ nən, mə bɨrɨ wɨrɨ yeʼe pè nɨŋ əwən ni mbə̀ yeʼe mbɨ num, ɨmbə̀ʼ əsɨ ze nɨ mə yeʼ əŋgu, mbə bɨrɨ bɨ yeʼ əŋgu.

Tomas nyaʼa ghà ɨ bɔ ni, “Ə̀nùŋɨ̀sɨg, chəi tɨ̀ kyerɨ əsɨ ze nɨ àwɔ̀ ə wò əŋgu. Tɨ̀ kɨə wo kyerɨ ɨnə̂njɨ̀ we rɨ ye ə?”