Mavhesi emuBhaibheri Ane Mukurumbira kubva kuna Zvakaratidzwa 13

Pakurirana nevamwe

Pano apa panodiwa ungwaru. Munhu anonzwisisa ngaatsvage azive zvinorehwa nenhamba iyoyo yechikara nokuti ari kurehwa nenhamba iyoyo munhu. Nhamba yacho mazana matanhatu namakumi matanhatu nenhanhatu.

Vose vanogara panyika vachachigwadamira vachichinamata, vose zvavo vana mazita asina kunyorwa pasi pasati pavapo, mubhuku roupenyu reHwayana yakauraiwa.

Uye chinoitawo kuti vose vakuru navaduku, vapfumi navarombo vose vakasununguka navarandawo, vaiswe mucherechedzo paruoko rworwudyi kana pahuma. Zvokuti hapana anogona kutenga kana kutengesa kunze kokunge anomucherechedzo, zvichireva zita rechikara ichocho kana kuti nhamba yezita racho.

Anenge achifanira kutapwa anotapwa anouraya munhu nebakatwa, anofanira kuuraiwawo nebakatwa. Ndikoka kutirira uye chitendero chinodiwa pavatsvene.

Ndakaona chikara chichibuda mugungwa chine nyanga gumi uye chine misoro minomwe nengundu gumi panyanga dziya nezita rokushonha Mwari pamisoro yacho.

Chakabvumirwa kurwisa vatsvene nokuvakurira; chakapiwa ukuru pamarudzi ose navanhu vose nendimi dzose nendudzi dzose.

Nezvishamiso izvozvo zvachaibvumirwa kuita pamberi pechikara chiya chainyengedza vagari vapasi, chichivati vaite chifananidzo chechikara chakakuvadzwa nebakatwa chiya, asi chikararama. Chakabvumidzwa kupa chifananidzo chechikara chiya mweya unofema zvokuti chifananidzo chechikara chaitogona kutaura. Uye kuti vanenge vasina kugwadama vachinamata chifananidzo chechikara vauraiwe.

Chikara chandakaona chakanga chakaita sembada matsimba acho waiti ndeebere chiine muromo weshumba. Zigaranyanya rakapa simba raro kuchikara ichocho rakachipawo chigaro charo choumambo noukuru hwakakura.

Chikara chakabvumirwa kutaura chikataura mazwi okuzvikudza nookushonha Mwari chakabvumirwa kutonga kwemwedzi makumi mana nemiviri.

Mumwe musoro wacho waiita soune ronda rakaipisisa asi ronda racho rakapora. Pasi pose pakashamiswa nazvo pakatevera chikara ichocho.

Zvino ndakaona chimwe chikara chakabuda pasi chakanga chiine nyanga mbiri sehwayana uye chaitaura sezigaranyanya. Ichi chaiva namasimba ose echikara chokutanga chichiita kuti pasi navagari vapo vagwadamire vachinamata chikara chokutanga chakanga chiine ronda rakaipisisa rakanga rapora.