Mavhesi emuBhaibheri Ane Mukurumbira kubva kuna YOWANO 14

Pakurirana nevamwe

Nangumisela kuunda, kuunda cami nangumihanaco. Ami kangwexi kumihana nganomu veji kuhananga vaka-mavuko. Micima yenu kanda yikalinyengako, cipwe kwivwa woma.

Yesu amwambile ngwenyi, Ami yami Jila, yami Mucano, yami Kuyoya. Mutu naumwe pimbi mweza kuli Tata kuvanga hali Ami kaha.

Micima yenu kanda yikalinyengako. Mwitavilenunga Kalunga, ngwitavilenunga nayAmi nawa.

Oloze Muka-kukafwako, Xipilitu wajila, Uze navakatuma kuli Tata halijina lyami, Ikiye mwakaminangulanga vyuma vyosena, mwakamyanukisa vyose ngwahanjikilenga kuli enu.

Ou atwama najiximbi jami, ou eji kujilamanga, ikiye vene ou anguzanga, kahou anguzanga navamuzanga kuli Tata, nayAmi nawa nangumuzanga nangulisolola kuli ikiye.

KahAmi nangumulomba Tata, kaha mwakamihana Muka-kumikafwako weka, mangana akatwamenga nenu nahaya myaka yosena, Ivene Xipilitu wamucano, Uze vahona vaka-mavu kwitavila, mwomwo kavamumonako cipwe kumutacikiza, xikaho. Enu munamutacikiza, mwomwo atwama nenu hamwe, kaha mwakapwanga muli enu.

Kaha cexoco namukalomba halijina lyami nangucilinga, mangana vakamutohwesele Tata muli Ami Mwanenyi. Kaci nge namukalomba cuma cimwe halijina lyami, Ami nangucilinga.

Nge mwanguzanga, kaha namulamanga jiximbi jami.

Muzuvo yaTata muli mautwamo amavulu. Kaci kamwapwile ngocoko, kaci ngunamilweze lyehi, mwomwo nanguya nakumilongesela cihela cenu.

Kahomu nanguya nakumilongesela cihela cenu, hinangwiza ceka nakumitambula, mwize kuli Ami lyavene, mangana kuze ngwatwamAmi nayenu nawa mukatwamengako.

Tomase himwamwamba ngwenyi, Ove Mwata, okwo nauya katwatacikizakoko, nyi jila natuyitacikiza ngacilihi?