Mavhesi emuBhaibheri Ane Mukurumbira kubva kuna Jan 14

Pakurirana nevamwe

Mo ka pati, mé mo ka bay zòt lapè annan zòt tchò, lapè mo ganyen-an, a li mo ka bay zòt. Mo pa ka bay zòt li kou moun latè-a ka bay li. Pa bizwen trakasé zòt tchò, pa bizwen pè.

Jézi di li: “Mo sa chimen-an, lavérité, ké lavi. Pésonn pa pouvé alé koté Papa-a san pasé pa mo.

Jézi di yé: “Pa bizwen trakasé zòt tchò. Krè an Bondjé, épi krè an mo.

Mé mo Papa ké voyé roun moun an mo non pou édé zòt. Sa moun-an a Lèsprisen, li ké ansényé zòt tout bagaj, é li ké fè zòt sonjé tousa mo di zòt.

Sala ka asèpté mo koumannman é ki ka kouté l, a li ki kontan mo. Mo Papa ké kontan sala ki kontan mo-a; mo osi ké kontan l, é mo ké fè l konèt mo.

Mo ké pryiè Papa-a pou li voyé roun moun pou édé zòt, pou li toujou ké zòt. A Lèspri lavérité-a, moun latè pa pouvé risouvwè l, piski yé pa ka wè l ni konèt li. Mé zòt, zòt pouvé konèt li, piski li ka rété ké zòt é li ké toujou annan zòt.

Tousa zòt ké doumandé mo an mo non, mo ké fè l, pou zòt pouvé wè pwisans Papa-a annan so Pitit. Si zòt doumandé mo roun bagaj an mo non, mo ké fè l pou zòt.

Si zòt kontan mo, zòt ké pouvé tchenbé mo koumannman.

I ganyen bokou plas annan kaz mo Papa. Si sa pa té vrè, ès mo té ké di zòt ki Mo ka alé préparé roun plas pou zòt?

Lò mo ké fin” préparé roun plas pou zòt, mo ké viré é mo ké pran zòt ké mo, pou zòt osi, zòt ké mo koté mo fika-a.

Toma di li: “Mèt, nou pa konèt koté to ka alé-a. Kouman nou ké pouvé konèt chimen-an?