Mavhesi emuBhaibheri Ane Mukurumbira kubva kuna Jáaŋ 14

Pakurirana nevamwe

«Meŋ á tsya apwɛne á mbū pɛ. Meŋ á yá apwɛne zá á mbū pɛ. Meŋ te ŋgyáa ánɛ ntií zīi, epuɔ ŋgɔŋ puɔ, é lɔɔ̄k ŋgyá apwɛne ɛ́. Ndɛ́ʼ além zɛ́ á zéŋ ntsɔ́ʼɔ, ndɛ́ʼ pɛ ezéŋ ncɔ̄ʼ.

Yɛɛ́so á pwɛt á mbū yí ŋ́gɛ: «Meŋ á si ŋgɔ́ á mɛnzhɛ, ŋ́gɔ́ á anuúnē, ŋ́gɔ́ á ŋiŋ yīi, a ghʉɛ mɛ́ gɔ́ɔ éwú. Ŋiŋ a gɔ le gʉ̄ɔ njʉ́ɔ á Mɔʼɔ́, té gɔ́ yīi, a á zápa áa ánɛ meŋ ɛ́.

Yɛɛ́so á zéŋ ndé á mbū nnɔ yí ŋ́gɛ: «Ndɛ́ʼ azō á ták leghi tsɛ́, pɛ é si fíɛ́ nnɛ̄t ŋgyáa á mbū Ndém, pɛ ezéŋ efɛ́ nnɛ̄t ŋgyá á mbū meŋ.

Ŋkʉɛ‑anɔŋɔ́‑mɛnzhɛ, Ázwakne Ndém, á ŋiŋ yīi, Mɔʼɔ́ ga a a shʉʼ etó á mbū pɛ ánɛ lezēŋ tsá, a a shʉʼ ezíʼne á wɛ́ á ajūɔ tsem, éghʉ pɛ ezéŋ ŋkímte ajūɔ tsem zīi, meŋ á shúŋ á wɛ́.

«Ŋiŋ yīi a juúʼ anu zīi meŋ shúŋɔ, ŋ́ghʉ̄ épúp, ŋgaŋ a kɔɔ̄ŋ á gá. Ŋiŋ a piŋɛ ŋkɔ̄ŋ á gá, mbɔ Mɔʼɔ́ ga, a ezéŋ ekɔŋ á yí azí, meŋ ezéŋ ŋkɔ̄ŋ á yí azá, ńtswī á yí páʼ, meŋ á épúp. »

Meŋ a shʉʼ eswíŋte á Mɔʼɔ́, a eyá á wɛ́ mmɔʼ ŋkʉɛ‑anɔŋɔ́‑mɛnzhɛ, pɛ a pɔ́p mé ecʉ́ʼɛ ŋgɔ́ɔ, á lemiʼɛ. Ŋkʉɛ‑anɔŋɔ́‑mɛnzhɛ mɛ́t, a gɔ́ á Azwakne Ndém, yí mé kwaʼ ntswī á wɛ́ á ŋiŋ yīi, Ndém a á ewiɛ́. Epuɔ ŋgɔŋ puɔ, é gɔ le kūʼ á letswi á yí í, melaʼ mīi, pɔ́ zi te si njʉ́ɔ á yí í, ńzi nnɔ̄ŋ te nzhɛ́ɛ á yí í. Pɛ pwɔ̄, pɛ é si ŋké nzhɛ́ɛ á yí. A á lezēŋ pɛ efʉʼ metsem, a á ntē nnɛ̄t pɛ efʉʼ metsem.

Ajūɔ tsem zīi, pɛ é lɔk lezēŋ tsá ndɔ́, meŋ a ghʉ á mbū pɛ. Tɛ́ a etsīa épúp, mɛ́ ezápa ánɛ lezēŋ Mɔ́, ŋ́gūʼte á Mɔʼɔ́. Pɛ lɔkɔ lezēŋ tsá ndɔ́ á gá azō, mbɔ meŋ a ghʉ azō mɛ́t á mbū pɛ.

«A gɔ́ éyi, pɛ kɔɔ̄ŋ á gá, pɛ enéŋ athū zɛ́ á leziŋ páʼ anu zīi, meŋ shúŋɔ á wɛ́, á si ndʉ́ɛ́ épúp.

Ejʉʼ é ŋgyā Mɔʼɔ́ ga tɛ nzá. Á ŋgwíʼe á té épúp ɔ́, mbɔ a ke gɔ́ meŋ nde lé á mbū pɛ ŋ́gɛ, meŋ gʉɔ mé ncuŋtē ejʉʼ tsīi, pɛ e shʉʼ enáŋte éwú ú.

Meŋ shʉʼɛ ŋgʉ̄ɔ tɛ ncūŋte ejʉʼ mɛ́t á mbū pɛ, meŋ ezéŋ eshʉ̄ʼ efāʼ á wɛ́, ḿpɛ mé cʉ́ʼɛ ŋgɔ́ɔ, tɛ ajʉʼ zīi, meŋ á éwú, pɛ egɔ́ azɛ́ éwú.

Tomási á lé á mbū yí ŋ́gɛ: «Mɔʼɔ́ wek, pek te si nzhɛ́ɛ ajʉʼ zīi, o gʉɔ mé éwú ú. Pek gɔ epīiŋ ŋgāa tɛ́ nzhɛ́ á mɛnzhɛ ɛ̄?»