Gewilde Bybelverse vanaf Spreuke 11

Deel

'n Gulhartige persoon geniet oorvloed, en wie 'n ander se dors les, kry self ook genoeg te drinke.

Daar is iemand wat uitdeel, en hy verkry steeds meer, en een wat meer as wat nodig is, terughou – net om gebrek te ly.

As verwaandheid kom, kom skande, maar by beskeie mense is daar wysheid.

Sonder leierskap val 'n volk, maar oorwinning lê by baie raadgewers.

Die vrug van 'n regverdige is 'n boom van lewe, maar geweld neem lewens weg.

Wie as 'n skindertong rondgaan, openbaar geheime, maar 'n betroubare persoon hou die saak verborge.

Wie troue liefde betoon, doen goed aan homself; 'n hartelose mens stort homself in die ongeluk.

Wie op sy rykdom vertrou, val self, maar soos groen blare spruit regverdiges uit.

Rykdom baat niks in 'n tyd van gramskap nie, maar regverdigheid red van die dood.

Die onkreukbaarheid van opregtes lei hulle, maar die verdorwenheid van verraderlikes vernietig hulle.

'n Goue ring aan 'n vark se snoet – so is 'n vrou wat mooi is, maar goeie oordeel prysgee.

'n Vals weegskaal is vir die HERE afstootlik, maar 'n egte gewig geniet sy goedkeuring.