Gewilde Bybelverse vanaf SPREUKE 15

Deel

'N SAGTE antwoord keer die grimmigheid af, maar 'n krenkende woord laat die toorn opkom.

Die vrees van die HERE is die tug van die wysheid, en nederigheid gaan aan die eer vooraf.

Sagtheid van tong is 'n lewensboom, maar valsheid daarin is verbreking in die gees.

Planne misluk sonder beraadslaging, maar deur die veelheid van raadgewers kom dit tot stand.

'n Vrolike hart maak die aangesig bly, maar by verdriet van die hart is die gees neerslagtig.

Op elke plek is die oë van die HERE, en hulle beskou opmerksaam die slegtes en die goeies.

Liewer 'n bietjie in die vrees van die HERE, as 'n groot skat en onrus daarby.

'n Driftige man verwek twis, maar die lankmoedige laat die geskil bedaar.

Die hart van die regverdige dink ná om te antwoord, maar die mond van die goddelose laat slegte dinge uitborrel.