Gini Bụ Ezi Ịhụnanya? Igodo: aha aha?Ihe Atụ

Isi Njedebe

N'iburu n'uche ihe niile anyị gụrụ ma mụọ na tụgharịa uche n'ọtụtụ ụbọchị gara aga, ọ na-agụsi gị agụụ ike ịmata ezi ịhụnanya na ịhụ Onye-nwe-anyị n'anya?! Onye-nwe-anyị di anyị mkpa. Ọ bụ naanị Ya ga-egosi anyị ihe ezi ịhụnanya bụ na otú anyị ga-esi hapụ mmehie nke yiri ka ọ̀ na-arapara nnọọ n’ahụ́ anyị. Ịhapụ odinma nke onwe onye na igbu anụ ahụ bụ ọrụ a ga na-arụ ruo ọgwụgwụ ndụ. Ọ pụtara na KWA ỤBỌCHỊ anyị ga-ahapụrịrị ụzọ anyị ma 'jiri okwukwe na-eje ije'. Anyị kwesịrị ịdị n'eme Itinye Eziokwu N'Obi na Ime Ka Ọ Di Ìhè N'Ndụ Kwa Ụbọchị. Anyị ga-ewepụrịrị ụgha nke anụ arụ, ekwensu, na ụwa ma yikwasị eziokwu nke Okwu Chineke site n’ike nke Mmụọ Nsọ. Ka anyị na-amụtakwu ịchụpụ ntụsara ahụ na ụzọ nke ụwa a, ka anyị ga-enwe ike ịnụ ụtọ ọñụ na ọnụnọ nke Kraịst, na ka anyị na-enwekwu agụụ maka Kraịst. A ga-agbanwe anyị site na mmeghari nke uche na obi anyị. Anyị ga-achọ ịhapụ ụzọ ochie anyị wee rapara na nkasi obi na ụzọ nke Kraịst ma mara ezi ọñụ na ezi ihe ụtọ nke ezi ịhụnanya. Anyị ga-ahụ ịhụnanya Ya n’ime anyị na site n’anyị wee mezuo nzube Chineke maka anyị dị ka ekwuru nke ọma na Westminster Catechism: Gịnị bụ isi ọgwụgwụ nke mmadụ? Isi njedebe nke mmadụ bụ inye Chineke otuto na ịnụ ụtọ Ya ruo mgbe ebighị ebi.

Ka anyị kpee ekpere, "Ahụrụ m gị n'anya Onye-nwe-anyị, n'ihi na Ị na-anụ olu m na arịrịọ m maka ebere. Awụsawo ịhụnanya gị n’ime obi m site na Mmụọ Nsọ nke e nyeworo m. Daalụ, Onye-nwe-anyị.”

Iwere Eziokwu Tinye N'Obi:
Họrọ Akwụkwọ Nsọ site n'ụbọchị taa ị ga-ewere tinye n'obi.

Ime Ka NHỌRỌ ODINMA NKE ONWE ONYE nwụọ:
Kedu mmehie a na-ekwu maka ya na ndụ gị site n'Akwụkwọ Nsọ nke i detụrụ.

Ime Ka Eziokwu Pụta Ìhè Na Ndụ:
Olee Ntụgharị kpọmkwem dị gị mkpa ị ga-eme n'ime echiche gị ma ọ bụ mkparama àgwà gị ma ọ bụ omume gị ị nyefe Chineke?