Gewilde Bybelverse vanaf Spreuke 16

Deel

Vertrou wat jy doen aan die HERE toe, dan sal jou planne standhou.

Die hart van 'n mens beplan sy pad, maar die HERE bepaal sy voetstappe.

Vriendelike woorde is 'n heuningkoek wat oorloop – soet vir die keel en helend vir die gebeente.

'n Mens kry sy gedagtes agtermekaar, maar die antwoord van die tong kom van die HERE.

'n Geduldige mens is beter as 'n held, en wie sy gees beheers, is beter as iemand wat 'n stad inneem.

Voor ineenstorting is daar trots, en voor die val is daar 'n hooghartige gees.

Al die weë van 'n mens is onbesproke in sy eie oë, maar die een wat die geeste toets, is die HERE.

Wie hom toespits op 'n saak, sal sukses behaal, en wie op die HERE vertrou, is gelukkig.

'n Bietjie, saam met geregtigheid, is beter as 'n groot inkomste verkry deur onreg.

Daar is 'n pad wat vir 'n mens reg lyk, maar dit eindig by paaie na die dood.

'n Verdorwe mens ontketen stryd, en 'n kwaadstoker skei boesemvriende.